“Ғылыми ақпараттық және мониторинг” бөлімінің ғылыми қызметкерлері Д.Құлынбай және Ә.Жаушыбаева Астана ботаникалық бағымен жасалған 2024 жылдың 24 мамырындағы меморандум негізінде “Флора және өсімдіктер ресурстары” зертханасына 2025 жылдың 13–18 шілде аралығында зертхана қызметкерлерімен тәжірибе алмасу мақсатында қызметтік іс сапарға барды. Іс сапар мақсаты: – Астана ботаникалық бағының гербарий қорының жұмысымен танысу, – гербарий үлгілерін монтировкалау (монтаждау) әдістерін меңгеру, – гербарий материалдарын электрондық базаға енгізу тәсілдерін үйрену, – гербарийді сақтау және жүйелеу тәжірибесін зерттеу, – ғылыми мекемелер арасындағы ынтымақтастықты нығайту.