10 сәуір күні “Парктер шеруі” табиғатты қорғау акциясының аясында “Бүкілқазақстандық ағаш егу күніне” орай Ырғыз -Торғай мемлекеттік табиғи резерваты қызметкерлерінің ұйымдастыруымен Ырғыз гимназиясының оқушылары мектеп, интернат ауласына ағаш көшеттерін отырғызды. Аталған іс-шараның мақсаты-қоршаған ортаның жай-күйіне жауапкершілікпен қарап, экологиялық мәдениетті қалыптастыру. Ата-бабамыз «Артыңда мал қалғанша, тал қалсын» деп бекер айтпаса керек. Жалпы ауданда ауыл-аймақты абаттандыру, көркейту жұмыстары кең етек алып келеді. Әр түп талдың тамыр жайып, бой көтеріп кетуі үшін атқарылатын жұмыстары көп, бүгінгі егілген тал-шыбықтар ертеңгі күні мектептің келбетіне сән беріп тұратын саялы ағашқа айналып кетуі біріге жасаған жұмыстардың жемісі болмақ. Сондықтан тал егу үрдісіне әр адам өз үлестерін қосуда.
Таза қазақстанды бірге құрайық!
