Ырғыз аудандық төтенше жағдайлар бөлімі және Ырғыз-Торғай мемлекеттік табиғи резерваты бірлесіп далалық өрт қауіпті маусымына байланысты республикалық командалық-штабтық оқу-жаттығу ұйымдастырды. Оқу-жаттығудың негізгі мақсаты – табиғи аумақтарда орын алуы мүмкін өрттердің алдын алу, төтенше жағдай кезінде жедел әрекет ету, сондай-ақ мекемелер арасындағы өзара іс-қимылды нығайту. Іс-шара барысында өрт сөндіру техникалары мен құралдарының дайындығы тексеріліп, шартты өрт ошақтарын сөндіру тактикалары пысықталды.